السلام عليكم
ايه الاخبار ياشباب؟ يارب تكونوا كلكوا بخير
انا عاوز اسال كل واحد فيكوا سؤال
هل انت حي ام عايش؟؟
يعني احنا ديما لما بنيجي نسلم علي بعض نقول ايه اخبارك؟ يترد علينا بكلمة اهو عايش
بس ميتهيقليش كلنا فكرنا فكلمة عايش والحاله النفسيه اللي بتخلينا نقولها
ديما اللي بيقول الكلمه دي بيبقي عنده مشاكل نفسيه ومدايق ومخنوق وشايف الدنيا كلها ضلمه طب ليه؟؟
ليه احنا مبنفكرش احنا حيين ولا عيشين؟
وايه الفرق بين الاتنين؟
الفرق كبير مع انه دقيق
الحي ده بيبقي عنده امل فبكره وحلم بيتمني يحققه ومش بيتمني وبس لا ده بيعمل علي تحقيق الحلم بكل الطرق ومهما الزمان جرحه او حاول انه يبعده عن حلمه مبيستسلمش عشان كده بنقول عليه حي
اما العايش ده فبيبقي مجرد نفس داخل ونفس طالع كائن محطم ملوش امل فبكره شايف الدنيا ضلمه منغير هدف ولا حلم يحلم بيه
فالسؤال المهم دلوقتي
هل انت حي ام عايش؟؟؟؟
منتظر ردودكم
خالص ودي
محمود