رمضان جانا..طب ياترى فرحنا به؟؟

والله ياجوجو رمضان ليا مش شهر فوانيس وزينه واكل وزيارات لا طبعا

رمضان هو الشهر الوحيد فالسن اللي بتحسي بيه ان الجنه ممكن تكون علي الارض اغلب الناس طيبين وحنينين

الهدوء فكل مكان لكن الناس موجوده التسامح موجود وكل الناس بتساعد بعض

وبعد منفطر مش بنروح نضيع صمنا لا

بنلم نفسنا كلنا ونروح المسجد وونصلي التراويح والقيام وتلاقي كل الشباب فرحانين وكل حاجه بيساعدوا فيها بعض

ونعمل دوريات ونقعد نقرا قرأن وكلنا نقرا ونسمع من بعض

رمضان مش مجرد احتفال

رمضان ولاده جديده لكل شخص فينا بس للاسف في ناس مننا بيرفضوا الولاده دي وبيجعلوها ايام عاديه تمروخلاص

انا بالنسبه ليا رمضان بتمناه بشكل كبير قوي

عشان انا بجد محتاج رمضان عشان ربنا يغفرلي ويرحمني لان الواحد زنوبه لو وزعت علي اهل الارض جميعا لاغرقتهم

ربنا يسترنا ويرحمنا ويغفرلي ويغفر للمسلمين جميعا

خالص ودي ياجوجو


محمود

والله ياجوجو الواحد مش عارف يقلك ايه انا عن نفسى مش عارف ليه كل رمضان يعدى عليا بحس انه اسوا من اللى قبله مش عارف ما بقاش يجيلى نفس الاحساس اللى كان بيجيلى وانا صغير شويه يمكن الوقت اللى احنا بنعيشه تحسى ان كل حاجة بتعدى بسرعه الفرح والحزن كل حاجة ومش بتحسى بطعمها بس فى حاجة واحده ماتغيرتش فى رمضان الصفاء والتسامح مع النفس بحس انى متسامح وصافى مع نفسى لابعد حد بتمنى من ربنا ان رمضان اللى جى يكون خير على كل الناس يارب وطولت عليكى اوى ياجميل بس ياترى بقى انتى احساسك ايه لسه فرحته زى ماهى ولا اتغيرت وبدعى ربنا انها ماتكونش اتغيرت بالنسبالك علشان انا مستنى الفانوس بتاعى على فكرة عايزه بشمعه ماليش دعوة

انا بتمني بجد ايام زمان ترجع !!!!
رمضان بالنسبالي كان ليه طعم تااااااني ,,,
كنت بشوف كل اللي جوجو بتقول عليه و انا صغير ,,
بس دلوقتي لأ للاسف ,, مش عارف انا اللي اتغيرت ولا الناس ولا رمضان هو اللي اتغيير !!!!
هههههههههههه
يا رب السنه دى رمضان يكون خير علينا كلنا ,,
و يا رب يغفر كل زنوبناا خلال الشهر الكريم ده ,,,,
و شكرا كتير عالموضوع ,,,


عمرو ,,

حقيقى موضوع جميل اوى
بس انا من رايى ان رمضان السنة ما بقاش وزى اى سنة من قبل
كل سنة انابستناه بفارغ الصبر وانا صغيرة ولما كبرت كمان
وكمان بحبه اوى بيكون فى جو من الفة وحب والناس فيه طيبين وكفاية اوى فرحة كل فقير على موائد الرحمن اللى ربنا مكملها بالخير
وكمان فرحة كل غلبان بالصدقة ودعوة الؤمن عند الفطار
وصلاته اللى بيتزيد لوجه الله
حاجات كتير اوى مهما عدناها لا تحصى .........
بس انا بالنسبالى الحقيقى السنة دى مش عارفة ليه مختلف مافيش الجو ده خالص ولا حتى التجمعات الاسرية موجودة السنة دى زى الاول حتى احساسى بيه مش زى كل سنة
اما بقا موضوع التسامح يا حودة
فدا حاجة تانية السنة دى بالزات مع كل الضغوط اللى الناس فيها ما
بقتش حتى طايقة حد يلمسها
والكل بيترفز لاقل سبب
بس برضه مصر هاتفضل مصر زى ما هى
ومهما كان العدد اللى فيها هايفضل فيها الخير وربنا يكرمنا جميعا
ويتقبل منا الدعاء والصيام يارب امين