مشوار طويل لسه فيه ماشيين
مهما الجراح بتزيد علينا
مهما الألم يفضل مالينا
والطريق ظلام
مليان ألام... جوه القلوب وسط الزحام
ممكن فى يوم نحس خوف
ممكن يموت فينا الوجود
بس من تانى بنعود
***************************
طريقنا ضلمة ..
كل واحد خد طريق
قلنا الحياة تفوت تعدى
بس فى الأخر بنبكى
والألم مالى العيون
ونعود ندور عالحقيقة
هى أيه ؟؟ مش عارفين
وسط الألم والخوف نعود
نلقى القلوب الطيبة
ونشوف عيون فيها البراءة قريبة
أصحاب زمان...
وسط الزحام مدوا الأيدين
ونحس يومها أننا مافترقنا ولا سيبنا يوم بعضنا
مهما بنبعد أحلامنا بتضمنا
*****************************
مشوار طويل فى حياتنا لازم نبدئه
مهما بنبعد حلمنا بنحققه
بنعيش ندور عن أمل
بالبراءة فى قلوبنا نخلقه
أيد فى أيد .. نبنى الطريق
ننسى السؤال... والإحتمال
هنعيش ونخسر ... بس نتعلم
مهما كان الألم فينا مش هنسلم
حلمنا فوق النجوم ... جاى بيندينا
ده الحلم يقتل يأسنا... يطلق أيدينا