هيا بنا لسداد ديون مصر ( مجنون مش كده )

طبعا كل واحد اتشرف بدخوله هنا عارف هيقول عليا مجنون
او هيقول عليا منتسب لحزب من الاحزاب وخصوصا الوطنى
واقسم بالله ابدا لا انتمى لاأى حزب من احزاب مصر
انما الفكره حضرت لى وانا فى شدة ازمتى الماليه التى امر بها
اعرف جيدا ان الكبار سيطرو على كل شىء فى البلد وطبعا ً الكل يعرف ذلك
ولكن فكر معى لو مصر ليس عليها ديون ؟
هل كان ممكن اكون من الناس اللى بتأكل لحمة على طول او راكب عربيه او ساكن فى شقة ملكى او ؟؟؟ او ؟؟؟؟
ده غير اشتراكى فى النوادى وسفرى الدائم للفسحة خارج البلاد مثل اصحاب الملايين اللى بينهبوا مننا كل شىء حتى الفسح
تعالو ا نفكر لو عاوزين نسدد ديون مصر هنسددها ازاى
ياريت كل واحد يفكر ويرد علينا بالفكره اللى بيها نسدد ديون مصر
هقول ليكم انا فكرت ازاى
اولا يتم تشكيل لجنة من المعارضين وليس من احزاب الجكومه لا تنتمى لاى وزارة
تشرف على سداد ديون مصر وتعرض على الشعب كل شهر مقدار اللى اتسدد واللى باقى
ثانيا الموارد
مثلا كل طالب داخل المدرسه يدفع جنيه اذا كان ابتدائى و2 جنيه لو اعدادى 3جنيه لو ثانوى 4لو الجامعه
وتكون بقسيمه منفصله عن المصروفات ولا يدخل المدرسة اى طالب الا بعد سداد هذا المبلغ
عندناعشره مليون طالب مثلا فى متوسط 3جنيه يبقى المجموع ثلاثون مليون طبعا مره واحده فى السنه
كل سيارة يتم ترخيصها يدفع خمسة جنيه مثلا والعربيات النقل الكبيره عشرةجنيهات عندا اكتر من 25 مليون سياره شوف بقى مجموعهم كام
كل محل يتم ترخيصه او تجديده يتم دفع عشره جنيه شوفوا عندنا فى الجمهوريه كام محل تجارى
اصحاب المصانع يحصل من كل واحد100 جنيه شهريا ده غير وقت الترخيص يحصل من كل واحد الف جنيه
البوابات الى مليانه على الطرق واللى بتحصل مننا فلوس فى الرايحة والجايه اللى فى طريق اسكندريه والاسماعيلية وغيرهم
على كل تذكرة ربع جنيه
التليفونات على كل فاتوره جنية واحد
السفن اللى بنشوفها رايحة جاية طول النهار تدفع 100 جنية لو مرت فى قناة السويس بدل ما تصرف على اصحاب ؟؟؟؟؟؟؟؟
الضرائب على كل بطاقة عشرة جنيهات عند تحصيل الضرائب
بطا قة التموين جنية واحد
مخالفات المرور تخصم من الغرامه مبلغ خمسة جنيه بدل مايلهفها البيه كلها
المحاجر على كل عربية خمسة جنيه
على كل برميل بترول ربع جنيةحتى اللى رايح لاسرائل يحصل منه
تذاكر الطيران عشره جنية على كل تذكره
البطاقة الشخصية الرقم القومى جنية واحد من15 جنيه اللى بتلهفها الشرطة
المصاريف اللى بتفرضها المحاكم علشان تزود دخل النوادى الخاصة بالقضاه على كل قضيه
عشرةجنية
على تذاكر القطار ربع جنيه
على تذاكر الاتوبيسات ربع جنيه
بشرط وده شرط اساسى ماتكنش الحكومه طرف فى تحصيل هذه المبالغ بل تشرف عليها
فقط
وده غير اللى بتسدده وزارة الماليه كل شهر
علشان نقدر نخصم الفوائد المتراكمه على اصل المبلغ

ياترى هتقولو عليا مجنون ولا انتمى لحزب المتنيل على عينه
واقسم بالله لا انتمى لاأى حزب
عاوز اعرف تعليقاتكم
وهل اصحى من النوم ؟؟ولا ؟؟؟

شكلك هتصحى فعلا.. هو انت فاكر ان الدولة بتاعت 3 او 4 جنيه والكلام الفاضي ده تؤ تؤ
ده اذا كان علبة الجبنة كل شوية يزودوها نص جنيه او جنيه
تقولي بقى يخدو من اي مواطن الكلام الفاضي ده سواء طالب او تاجر او غيره
و لو فكروا يعملو زي ما انت بتقول مصر هتسدد ديونها واحنا هنفلس
وده اصلا اذا مكنوش بيعملوا كدة فعلا زي ما بتقول واحنا مش واخدين بالنا
والي بأدينا بقى ندعي لمصر والباقي على الله