العمر : 36 البلد : المزاج : تاريخ التسجيل : 13/06/2008
موضوع: الشبشب اتسرق......يالهووووى الثلاثاء أغسطس 25, 2009 2:55 pm
لواحد يدخل يصلي التراويح في أمان الله
يخرج ميلاقيش الشبشب واحنا داخلين المسجد كان معايا واحده قريبتي كبيره في السن شويه عندها خبره في الأمور دي يظهر اتقرصت قبل كده طلعت كيس وحطت فيه الشوز وحطته قدامها في الصلاه قلتلها مش معقول حيتسرق ، هاتي حطيه مع شبشبي ، قالتلي لا كده أضمن يا ريتني سمعت كلامها خلصنا الصلاه ، أدور علي الشبشب مافيش استنيت لما كل اللي في الجامع خلصوا صلاه ومشيوا وقلت أدور براحتي ملقيتش حاجه واضطريت آسف اني اروح حافي كويس الجامع قريب من البيت مكانش شبشبي هو الوحيد اللي اتاخد النهارده ، فيه كذا واحد روحوا حافيين فضلت أفكر يا تري مين الي يدخل المسجد علشان يسرق ؟ أحاول أقنع نفسي ان اللي حصل مش سرقه وان يمكن واحد اتلخبط بس ده كان شكله مميز يعني صعب حد يتلخبط فيه كنت متغاظه ومكنتش مسامحه اللي أخدته وبعدين افتكرت كنا مره في الحرم بمكه وواحد سايب شنطه وسجاده صلاه جنب عامود ، رجع ملاقاش الاتنين بعد طول تدوير فقد الأمل وعرف ان حد أخدهم استغربت يومها من موقفه ، قال حلال علي اللي أخده انا مسامح ، انا مسامح بعد ما افتكرت الموقف ده قلت يعني هو أحسن مني ؟ انا مسامح انا كمان ، حلال علي اللي أخدته بس بعد كده هحط الشبشب في كيس قدام عيني أصل المشي في الشارع بالشراب حاجه مش مريحه خالص