خليك فى حالك....!!

جملة حلوة أوي
Neutral

خليك في حالك

مفيش أسهل من كده
كل ما تشوف حاجة غلط .... أو حاجة مش عاجباك إفتكر الجملة دي
خليك في حالك
الله طب ما هو ده حالي !!!

معرفش بس برده خليك في حالك
طب عاوز أقول كلمتين كده و......
قلنا ايه خليك في حالك
أصل عندي حاجات كتير أوي عاوز أتكلم فيها
زي ايه يا برنس
المرة دي هتكلم عن المرور

ماله بقه المرور مهو زي الفل اهه وتمام التمام و 100 فل و ......
انت عبيط ؟؟؟
مين عبيط ياد أنت ياااد
مهو يا أنت عبيط يا مش من هنا
ماله يا أخويا المرور
ملوش خالص ملوووووووووووووش

الدنيا خربانه سعادتك
خربانة إزاي يا ابني ده أحنا عاملين في القاهرة بس بتاع 200 كمين مروري
وزودنا الشوارع ب بتاع 300 ونش و بتاع 1000 كلبش ويجي 300 عسكري

على 200 أمين على بتاع 100 ظابط على ......

يا باشا كل ده أحنا شايفينه إنما كل ده محلش مشكلة المرور خالص بل أشك إنه زودها
زودها إزاي يعني
مثلا سؤال نفسي أسأله من زمان : لما يكون فيه عربية راكنة في وضع مخالف
يبقى الحل إننا نكلبشها علشان تفضل واقفة في الوضع المخالف ومعطلة الدنيا
وسؤال تاني : ايه الأولى إننا نضع الحزام داخل القاهرة المزدحمة ولا على الطرق السريعة ؟؟؟

وليه كل ما أروح أجدد الرخصة ألاقي مخالفات في التبين وسملوط ودرب المهابيل وكفر المعزة وأنا عمري ما رحت الحتت دي ولا أعرف هي فين أصلا ؟؟؟؟؟؟؟؟؟؟؟؟؟؟؟؟!!!!!!!!!!!!
وأزاي بتطبقوا إختبار العادم بتاع شكمان العربية وفيه عربيات بتطلع دخان زي عربيات الرش بالظبط ؟؟؟ طب دول عدوا على الأختبار
؟؟؟؟؟؟
وليه رخصتوا لعربيات المني باص الكبيرة دي مع إنكوا كنتوا بتقولوا الميكروباص هو مشكلة المرور الحقيقية ؟؟؟؟
ليه أغلب أمناء الشرطة بتوع المرور عندهم كرش كبير ؟؟؟
ليه بتوع البلدية مش بيشيلوا الحديدتين والسلسلة اللي بينهم اللي بقت أمام كل عمارة علشان يحجزوا بيها مكان ؟؟؟؟ واشمعنا بيشيلوا البياعين الغلابة اللي واقفين يسترزقوا ؟؟؟؟؟؟

يعني ايه إشارة ؟؟؟ وهل المفروض اتحرك على حسب الإشارة ولا على مزاج رجل المرور اللي واقف ؟؟؟
نفسي أعرف حاجة مهمة أوي : هل من الصعب بل يبدو أنه من المستحيل إن الدولة لما تسفلت الشارع تساوي مستوى البلاعة بمستوى الأسفلت؟؟؟
يعني ليه دايما البلاعة يا إما أعلى يا إما أوطى من مستوى الأسفلت علشان تترزع فيها تمام بتوع العفشة يسترزقوا برضه؟؟؟

المطب الصناعي : هل تقوم الدولة بوضعه ولا كل واحد عاوز يحط مطب أمام منزله يحط ؟؟؟ وبعدين لازم يكون لونه مختلف عن لون الشارع علشان الناس تشوفه فتهدي من سرعتها .... متهيألي ده الغرض من المطب إني أهدي سرعتي مش الغرض إني ألبس المطب و أدغدغ العربية

ليه مفيش تنسيق بين الجهات المختلفة في الدولة يعني مثلا هيئة المجاري عاوزة تجدد المواسير ... تحفر تحط المواسير وبعدها نسفلت الشارع..... وبعدين بتوع الغاز الطبيعي يفتكروا إنهم عاوزين يمدوا مواسير هما كمان اشمعنا بتوع المجاري يعني فيحفروا في حته تانية في الشارع وبعدها نسفلت الشارع ... ثم تكتشف مصلحة التليفونات إنه من اللازم مد خطوط جديدة للمنطقة فتقوم مشكورة بفحت البحر .... قصدي الشارع وأكيد هنسفلته تاني ( قصدي عاشر )
؟؟؟!!!!!!
طبعا الشارع بقه ملحوم في بعضه زي البازل كده ولازم و أنت ماشي يبقى معاك خريطة للحفر والمطبات والبلاعات علشان تروح بالعربية من غير ما تضيع منك

خليك فى حالك....!! 816403

عاوز تعرف الرد على كل أسئلتك يا حبيبي ؟؟؟

يا ريت يا فندم خليك فى حالك....!! 784196

خليك في حالك يا حبيبي خليك فى حالك....!! 887707

والله الناس كلها بقت فى حالها دلوقتى و هما شايفين ان دة احسن من السؤال اللى ملوش اجابه
بس فعلا مشاكل و حاجات ملهاش لزمه غير العطله

عندك حق والله والاسئلة والأجابات عمرها ما هتخلص لان كل يوم هنشوف حاجة اغرب من الي قبلها وكفاية الي بييخدو رشاوي في الشوارع عشان يعدوا العربيات سواء المخالفة او لاء يلا بلاش اتكلم اكتر من كدة بس هو ده حال البلد
وخليني في حالي بقى خليك فى حالك....!! 574345

وشكرا على الموضع يا برنس...

شكرا يا مشرفه"جيرل" على مرورك خليك فى حالك....!! 695188

وعندك حق انتى والله

بس هنعمل ايه

كلمه السر بقى

خلينا فى حالنا و لو هتقولى ده حالى يبقى خليك فى حال اللى جمبك ههههههههههههههههه